Stefnt að vistvænni garði.

Það er stefna Fjölskyldu- og húsdýragarðsins að velja síður vélknúin leiktæki, heldur leiktæki sem eru umhverfisvæn og endurnýtanleg. Þannig er reynt að minnka notkun bensínbíla með notkun rafmagnsbíla, hjóla og gangandi umferðar í starfsemi garðsins. Sum leiktækin sem eru vélknúin eru með rafgeyma, s.s. ökuskólabílar, rafmagnslest og klessubátar.

Það er stefna Reykjavíkurborgar og Fjölskyldu- og húsdýragaðsins að minnka sorpmagn og auka hluta endurnýtingar og endurvinnslu. Frá því að borgaryfirvöld buðu upp á sérstaka móttöku á pappír var sú flokkun tekin upp á staðnum. Auk þess eru flokkaðar fernur , járn, gúmmí, gosflöskur og dósir. Í veitingahúsi er umbúðanotkun haldið í lágmarki, þ.e. plastumbúðum. Um 12 tonn af lífrænum úrgangi falla til mánaðarlega í FJölskyldu- og húsdýragarðinum. En það er einungis úrgangur frá útihúsunum.