Leiktækin í Fjölskyldugarðinum

15.6.2012

Leiktækin í Fjölskyldugarðinum eru nokkur og þar ættu allir að finna eitthvað við sitt hæfi. Í þau leiktæki sem kostar skemmtimiða í gilda einnig dagpassar.

• Hringekjan er fyrir alla aldurshópa og í hana kostar einn skemmtimiða.
• Lestin er einnig fyrir alla aldurshópa og í hana kostar einn skemmtimiða.
• Í Krakkafossi (rugguskipinu) skulu börn lægri en 105 cm vera í fylgd fullorðinna.  Ein ferð kostar tvo skemmtimiða.
• Í Fallturninn þurfa farþegar að hafa náð 110 cm hæð og kostar ferðin tvo skemmtimiða.
• Í Þrumufleyg kostar hver leikur einn skemmtimiða.
• Í Klessubátana komast tveir farþegar í hverja ferð og kostar 1 ferð í báti einn skemmtimiða.
• Ekkert kostar í Litlu rafbílana sem eru fyrir 4 ára og yngri og eru á braut við Krakkafoss.
• Ekkert kostar í Ökuskólann en þar þurfa ökumenn að hafa náð 5 ára aldri og vera lægri en 140 cm.
• Ekkert kostar í Hjólabrautina en ef röð er í brautina eru hámark 2 hringir á mann.
• Sumarið 2012 verða starfræktir svo kallaðir Vatnaboltar í garðinum.  Þar geta krakkar á öllum aldri gengið á vatni í Risabolta.  Um er að ræða tilraun með gestatæki á vegum einkaaðila sumarið 2012. Því gilda dagpassar og skemmtimiðar sem seldir eru á vegum FHG ekki í Vatnaboltana. Árskorthafar fá hins vegar 1 ferð innifalda í hverri heimsókn. Ein ferð í Vatnaboltana kostar 500 krónur og er greitt við boltana sem eru á Tjörninni í miðjum garðinum.