Sauðfé og geitfé í sumarfrí
Helmingur kinda og geita Fjölskyldu- og húsdýragarðsins leggja af stað í dag, föstudag, í sumarfrí til eyjarinnar Þerneyjar á Kollafirði. Þar munu þau dvelja í mánuð en þá fer seinni hópurinn í sumarfrí. Skepnurnar eru fluttar með báti í eyjuna og getur oft verið mikið fjör þegar líður að því að sækja það og færa það til baka í garðinn. Þá má starfsfólk garðsins taka á honum stóra sínum við hlaup og köll um gjörvalla eyjuna en þannig er nú bara smalamennskan.