Opið alla páskana.
Það verður opið frá klukkan 10 til 17 alla páskana í Fjölskyldu- og húsdýragarðinum. Fyrstu 100 krakkarnir sem heimsækja garðinn dag hvern yfir páskana fá Páskaegg nr. 3 frá Nóa Siríus að gjöf. Gestir geta á skemmtilegan hátt borið sig saman við dýrin í leik sem kallast "Keppt við dýrin". Meðal annars verður hægt að fara í kapp við ímyndaðan snigil og bera ummál ýmissa líkamsparta saman við líkamsparta uxans Blakks. Þá verður barnaguðsþjónusta Áskirkju, Langholtskirkju og Laugarneskirkju í garðinum á Páskadag klukkan 11 við Selalaugina.
Vísindaveröldin verður sem fyrr stútfull af fróðleik og skemmtun, hestateyming verður frá klukkan 14 til 14:30 og hringekjan og Cocoa Puffs lestin verða í gangi. Að ógleymdum dýrunum sem taka á móti gestum í páskaskapi með sínum hógværa hætti. Starfsfólk Fjölskyldu- og húsdýragarðsins óskar mönnum og dýrum ánægjuríkra páska.