Bestla og grísirnir þrír
Ung gylta hefur flutt í Húsdýragarðinn frá bænum Laxárdal ásamt þremur grísum frá sama bæ. Gyltan hefur hlotið nafnið Bestla og fyrir var gölturinn Gullinbursti en nöfn þeirra beggja eru sótt í goðafræðina. Bestla var jötunn og móðir Óðins en Gullinbursti var villigöltur sem dró vagn frjósemisgoðsins Freys. Grísirnir þrír eru afar fallegir á litinn, flekkóttir en Bestla er hvít. Hægt er að heimsækja þau í svínastíunni þeirra á opnunartíma, alla daga frá kl. 10 til 17.