Fræðsludeild Fjölskyldu- og húsdýragarðsins býður upp á nokkur námskeið á komandi skólaári. Kennarar sem kjósa að koma á eigin vegum er bent á að garðurinn er opnaður klukkan 10:00 en þeir sem vilja þiggja leiðsögn eða mæta á eitthvert þeirra námskeiða sem í boði eru geta mætt fyrr. Kostnaður vegna heimsóknar á eigin vegum er 360* krónur á nemanda fyrir 5 til 12 ára og 450* krónur á nemanda fyrir 13 ára og eldri.  *Miðast við hóp sem telur fleiri en 10 og allt sé greitt saman. 

Starfsfólk Fjölskyldu- og húsdýragarðsins biður kennara og aðra sem koma með hópa í garðinn að brýna fyrir nemendum nauðsyn þess að umgangast dýr og gróður garðsins af nærgætni.

Lesa meira

Næstu tvær helgar (28.-29. ágúst og 4.-5. september) gefst gestum síðasta tækifæri í bili að skella sér í salíbunur í leiktækjum Fjölskyldu- og húsdýragarðsins. Eftir sem áður verður þó hægt að spóka sig um í Fjölskyldugarðinn og kíkja í Ævintýraskipið Naglfar, fara í ferð með Hlaupakettinum og gleyma sér í þeim tækjum sem ekki eru keyrð áfram af vélarafli og starfsmönnum.  Opið verður alla daga í allan vetur frá klukkan 10 til 17 þar sem gestir garðsins geta kíkt í heimsókn til dýranna, fræðst um heim vísindanna í Vísindatjaldinu og notið haust- og veturblíðunnar sem hlýtur að koma í kjölfar góðs sumars.  Vinamorgnar fyrir árskortshafa verða í boði áður en langt um líður og verða þeir kynntir með góðum fyrirvara.