Fréttir
Mannskepnur í Fjölskyldu- og húsdýragarðinum
Um helgina (31. júlí og 1. ágúst) verður í fyrsta skipti á Íslandi hægt að sjá mannskepnur í sínu náttúrulega umhverfi. Fjögur dýr, þrír karlar og ein kona, hafa verið færð Fjölskyldu- og húsdýragarðinum að gjöf og verða til sýnis á laugardag og sunnudag.
Þetta er í fyrsta skipti sem Íslendingum gefst færi á að sjá mannskepnuna í sínu náttúrulega umhverfi og ætti það að vera áhugavert, bæði fyrir börn og fullorðna að fylgjast með þessum kynlegu skepnum.
Mannskepnurnar verða í búrinu sínu frá því að garðurinn opnar klukkan 10:00 og þangað til honum er lokað klukkan 18:00, en fóðurgjöf verður klukkan 13:00 báða dagana. Að sjálfsögðu mega gestir hvorki klappa né gefa mannskepnunum af sínum eigin mat frekar en öðrum dýrum í garðinum, en allir eru velkomnir í að fylgjast með gjöfinni.
Super Mama Djombo
Stórtónleikar verða í Fjölskyldu- og húsdýragarðinum um verslunarmannahelgina þegar hin stórgóða og margrómaða hljómsveit Super Mama Djombo frá Gíneu Bissá heldur tvenna tónleika í garðinum. Hljómsveitin kom fram á listahátíð 2008 og komust þá mun færri að en vildu. Sérstakur gestur þeirra verður Egill Ólafsson. Fyrri tónleikarnir eru laugardaginn 31. júlí kl 16:00 en hinir seinni sunnudaginn 1. ágúst kl 14:00. Hefðbundið miðaverð í garðinn, 600 krónur fyrir fullorðna og 500 krónur fyrir börn 5-12 ára en að auki verða dagpassar með 50 % afslætti tónleikadagana. Aðgangur er ókeypis fyrir öryrkja og ellilífeyrisþega og árskortshafar fljúga inn á árskortum sínum eins og vanalega.
Sögubíllinn Æringi
Sögubíllinn Æringi mætir í Fjölskyldu- og húsdýragarðinn 26., 27. og 28. júlí. Ævintýralegar myndir prýða bílinn en efnt var til samkeppni meðal myndlistarmanna um skreytingar og bar Brian Pilkington sigur úr býtum. Sögubíllinn er ekki bara ævintýralegur að utan heldur einnig að innan, dökk flauelstjöld og stjörnur í lofti skapa skemmtilega og spennandi umgjörð um sögurnar. Tvær sögustundir á dag á framangreindum dögum klukkan 14:00 og klukkan 15:00. Kíkið við en bíllinn verður við Víkingavelli við austur enda tjarnarinnar í Fjölskyldugarðinum (,'')
husdyragardur.is
Viðburðir
(Hoppa yfir dagatalið)
| S | M | Þ | M | F | F | L |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |